好家姐是如何鍊成的?!

眨o下眼, Koey 已經升Le做 '家姐' 超過2年喇!!

剛做'家姐'時都未夠2歲, 仲坐緊BB車!!!

忽然多o左個細佬同自己爭寵, 雖然Koey未至於呷醋, 但少少情緒反應仲係無可避免!!!

Koey呢個樣好好笑呢!!! 仲記得當時Kobe2個月都未有, 見有人o係側邊就以為有奶食, o係度口mark mark, 嚇到Koey出現呢個 '怕o左你' 樣!!!

大約2個月左右, Koey情緒續漸回復正常!! 隨住細佬長大, 兩姊弟越見相處融洽...

當然...爭o野玩又在所難免!!! 

細佬日漸粗魯, 郁手郁腳近來亦時有發生!!!...

不過兩姊弟就有兩姊弟自己o既相處方式, 呢頭家姐先投訴緊細佬打佢或爭o野玩, 轉個頭就可以糖癡豆咁!!!

吱吱浸, 講秘密!!

一齊砌麵團!

Koey仲會成日幫細佬著鞋著襪, 搞到細佬有時都懶去學自理呢! :p

Koey出街必定要拖細佬手仔行, 唔肯拖我添o架!!

拖住手教細佬唱歌仔!

近幾個月, 我唱完3首歌就離開小朋友房等佢o地自己入睡, 有時候, 細佬會有少少發脾氣, Koey就擔當起同細佬傾計tum細佬o既責任!! 

有次Koey應該都好眼訓o架喇, 但細佬扭計, 我在門外竟然聽到Koey不停唱歌tum細佬, 最少唱o左5-10分鐘, 事後我同老公子都忍唔住覺得好感動呢!

o黎緊妹妹出世...

Koey到時已經4歲半, 今次再做家姐, 佢明顯比2年前成熟好多, 亦明白好多...

Koey: 妹妹出世, 我係咪做家姐!

我: 係呀, 但你而家都係家姐o黎o架, 係細佬o既家姐嘛!

我: 呢件衫你唔o岩著喇!!

Koey: 咁留俾妹妹啦!!

Koey: 第二時我可唔可以抱妹妹o架?

我: 可以, 但要好小心o架, 因為妹妹好細粒!

Koey: 第二時媽咪出門口倒垃圾或者去沖涼, 我就幫手照顧妹妹同細佬!

我: 係呀, 不過媽咪倒垃圾沖涼好快o架咋, 放心!

Koey: 咁你唔o係屋企度, 我就抱住妹妹等你番o黎!!

我: 我好快o架咋, 唔會留低你o地自己係屋企o架, 我唔係度就唔好抱妹妹喇!!

Koey: 咁佢喊呢? 我可唔可以抱?

我: 拍o下佢得喇, 我好快o架咋! 有媽咪係度先抱得妹妹!

雖然Koey唔太明白佢其實唔可以無大人睇住下抱剛出世o既妹妹, 但見佢咁'恨'抱, 我其實覺得好感動好開心!!

唔知係咪聽家姐講得多要抱妹妹, 就連仲係傻傻o下o既細佬都被感染埋!!

(朝早Koey Kobe迫晒上我同老公子張床!!)

我: 好迫呀!! 第二時妹妹出世媽咪要餵妹妹食奶, 你o地就唔可以迫晒上o黎喇, 唔夠位!

Kobe: 夠位da (o架)! 

我: 點會夠位呀, 而家都咁迫囉!

Kobe: 我抱住妹妹訓咪得囉!!

你話聽見Koey Kobe咁期待妹妹出世, 係咪心都甜埋呢!!

妹妹有家姐哥哥愛惜, 實在幸福!!! 

好家姐究竟係點鍊成o既呢??

其實我都唔係太知答案, 反觀番我自己, 細個對自己細佬妹都無咁好咁Sweet呢!! :p 

所以Koey可以咁生性, 我都好感安慰!! 

現特此blog低讚o下佢, 都唔係太曬太肉麻太過份吧?! HAHA!!!